Það eru komnir nokkrir nýir hundar til okkar og líst okkur "gamla" liðinu vel á eigendurnir eru áhugasamir og duglegir fígúrantar ! Gömlu hundunum fannst þetta mikið skemmtilegra að fá loksins að leita að einhverjum öðrum heldur en okkur kellingunum sem er alltaf sama skítalyktin af :)

En mættir á æfinguna í dag voru : Björk og Krummi, Ingi Magnús og Rökkvi, Jóhanna og Morris, Drífa og Lúkas, Rósa og Anja og Garðar og Ísold.

Björk og Krummi eru í "séræfingum" ef hægt er að segja svo, en Björk er að fá Krumma til að vera ákveðnari að koma til sín að skila bringselinu, þannig að nú fær Krummi leik hjá Björk þegar hann kemur til hennar og þegar hann fer til fígúrantsins aftur þá fær hann smá nammi. Pínulítið verið að snúa á hann þannig að hann viti ekki alltaf hvar skemmtilegustu verðlaunin koma. Þetta virkar rosalega vel og er ætlunin að halda svona áfram með hann á milli þess sem hann tekur langar leitir.

Nýju hundarnir eru misjafnir að gerð og stærð :) Ísold var fyrst frekar feimin við fígúrantinn og leitaði mikið til eiganda síns, nú Drífa var ekki lengi að láta líta út fyrir að hann væri hundleiðinlegur og fígúrantinn það skemmtilegasta sem til er ! fyrir rest var hún farin að togast á með dótið og skemmti sér vel. Þarf að auka úthaldið hjá henni , en hún er aðeins 9 mánaða þannig að þetta á allt eftir að koma með tímanum.

Anja er rottweiler og er mjög áhugasöm að hlaupa út til fígúrantsins en þarf að passa að leika ekki of lengi við hana þar sem að úthaldið er ekki mikið ennþá, það þarf bara að vinna í því áfram og mæta vel á æfingar :)

Rökkvi sem er bróðir Ísoldar var einnig frekar feimin við fígúrantinn fyrst til að byrja með en það er allt að koma með mikilli fígúranta vinnu, hann slær vel inn á lykt og það er sama sagan með hann, það þarf bara að mæta vel og æfa vel.

Morris fékk að leita smá frímerki þar sem hann er með hval í eftirdragi þessa dagana.... en auðvitað leysti hann það eins og vanalega...

Sett var upp svæði fyrir Lúkas með 3 fígúröntum og auðvitað rúllaði hann því upp á nokkrum mínútum. Þarf að æfa hann áfram vel, endurtekning endurtekning eins og sagt er á æfingum hjá okkur og styrkja markeringuna sem kemur með æfingunni!

Frábær æfing í góðu veðri og gaman að það séu að aukast áhuginn fyrir hundunum !

Vil jafnframt minna þá sem lesa þetta að ef fólk hefur áhuga á að kynna sér þessa þjálfun nú eða aðstoða okkur á æfingum þá er það vel þegið ! Eins hafa þeir sem eru í björgunarsveit gott af því að þekkja og vita vel hvernig hundarnir vinna ! hægt er að hafa samband á póstfangið mitt hérna fyrir neðan, hringja í mig (Jóhönnu) 8683360 eða skoða á http://www.bhsi.is/

pósturinn minn er johanna_magg@hotmail.com ( fyrir þá sem voru á æfingu í dag senda aldur hunds, nafn og fullt nafn á ykkur :)