Smá stelpuhittingur endaði ekki með ósköpum heldur með æfingu síðastliðið þriðjudagskvöld:)

Hvergerðingurinn ég ætlaði að finna mér eitthvað að gera og brunaði snöggvast á Hellu til að trufla mjög svo upptekna Hellubúann sem hafði nóg annað að gera en að fá mig í heimsókn ! en mér tókst engu að síður að plata hana með mér út og hreyfa hundana og úr varð að Hvolsvallarpían mætti líka seint og um síðir sökum þess að bíllinn hennar var ekki alveg jafn til í hreyfingu eins og hún ! en hann hrökklaðist í gang og þau náðu að taka rennsli með okkur :)

En Krummi var orðin hressari eftir typpaslysið ógurlega hérna um daginn og hann tók rennsli sem gekk mjög vel. Nú Lúkas er farin að gera það sama og Krummi og Morris og gerir það betur ef eitthvað er !! hann tekur langar leitir, stuttar leitir og áherslan er núna markeringin, festa hana þrjúhundruð prósent en hann leitar rosalega vel, fer langt frá Drífu og það er virkilega gaman að sjá hann leita, allt annað fas á honum heldur en hefur verið og vonandi heldur hann svona áfram!! Morris er núna látinn leita í ákveðinn tíma áður en hann fær fund, hann er í fanta formi og ekkert komið upp á með hann nema heima er hann farinn að vera með stæla, stela pizzum af eldhúsborðinu og svona... en ennþá hefur hann ekkert verið með gelgjustæla í leit sem betur fer :)

Næsta æfing er ekki fastsett, en spurning með föstudagskvöld / eftirmiðdag hvort að fólk komist þá ??

Já og eitt enn, Hörður er búin að uppfæra upplýsingarnar á síðunni um teymin, ef þið eigið mynd af ykkur og hundinum þá endilega senda honum mynd af ykkur !